16 fev 16:39
Yangiliklar

Boks/MMA

Turki Al ash-SHeyx 15 raundlik janglarga qaytish g'oyasiga munosabat bildirdi

Saudiya Arabistoni ko'ngilochar boshqarmasi boshlig'i Turki Al ash-SHeyx 15 raundlik janglarga qaytish g'oyasiga o'z fikrini bildirdi.

The Ring brendi va jurnali egasining fikricha, bunga hech qanday hojat yo'q. Bu holat bokschilar salomatligiga rahna soladi. Avvalroq bu g'oyani WBA tashkiloti rahbari Xilberto Mendosa ilgari surgan, amerikalik jahon chempioni Teofimo Lopes qo'llab-quvvatlagan edi.

"Men bu g'oyani hech qanaqasiga qo'llab-quvvatlamayman. Raundlar sonining oshirilishi bokschilar sog'lig'iga zarar keltiradi. Fikrimcha, 12 raund ham aslida ko'p. O'n besh raund haqida esa gap-so'z bo'lishi mumkin emas. Bunga yo'l qo'yib bo'lmaydi", — deya Al ash-SHeyxning so'zlarini keltirdi The Ring.