"Turkish Open-2021". Nigora Tursunqulovada oltin, CHaros Qayumova va SHohrux Rajabov bronza medalni qo'lga kiritdi

Musobaqaning ikkinchi kunida -67kg vazn toifasida o'zbekistonlik Nigora Tursunqulova barcha raqiblarni mag'lub etib OLTIN MEDALni qo'lga kiritdi. Finalda hamyurtimizga chexiyalik Petra Stolbova raqiblik qildi. Hal qiluvchi bahsda Tursunqulova 10:8 hisobida g'alabaga erishdi.

-53kg vazn toifasida CHaros Qayumova yarim finalga qadar etib keldi va eronlik G'azal Soltaniga qarshi ajoyib bahs o'tkazdi. Afsuski so'nggi soniyalarda omad raqib tomonida bo'ldi. SHunday qilib CHaros Qayumova musobaqaning bronza medalini qo'lga kiritdi! 

+87kg vazn toifasida SHohruh Rajabov yarim finalga qadar etib keldi va ozarbayjonlik Radik Isaevga qarshi dayanga chiqdi. Biroq kutilmaganda boy berilgan ochko tufayli ozarbayjonlik sportchi finalga chiqdi. SHohruh Rajabov esa musobaqaning bronza medalini qo'lga kiritdi!