Turkiyada milliy sport o'yinlariga bag'ishlangan yirik etnofestival o'tkazilmoqda

6 oktyabrga qadar davom etajak ushbu tadbirga Butunjahon etnosport konfederaciya rahbari Najmiddin Bilol Erdog'an raislik qilmoqda.

Mazkur tadbirda butunjahon etnosport vakillari ishtirok etishmoqda. SHu jumladan, O'zbekiston kamondan otish federaciyasi prezidenti Otabek Imamov hamda O'zbekiston Milliy olimpiya qo'mitasi xalqaro aloqalar departamenti direktori Kamoliddin Ergashev yurtimiz nomidan qatnashmoqda.

Ushbu festivalni tashkil qilishdan maqsad nafaqat etnosport sohalarini balki madaniy-marifiy, turizm aloqalarini yo'lga qo'yish, qolaversa, yo'qolib borayotgan milliy o'yinlarni qayta tiklash, ularni yosh avlodga ham etkazishdir. Etnofestivalda otda va piyoda kamondan otish, belbog'li kurash, ot ustida nayza uloqtirish, mankala kabi sport turlari bo'yicha bahslar olib borilmoqda. Raqamlarga murojaat qiladigan bo'lsak, festivalda qatnashish uchun Istanbulda 20 dan ortiq mamlakatdan 1000 dan ziyod sportchilar 12 ta milliy sport o'yinlari bo'yicha ishtirok etmoqda.

Tadbir davomida o'zbek madaniyati, urf-datlari va milliy qadriyatlari targ'ib qilinmoqda. Mamlakatimiz uchun ajratilgan bo'limda hamyurtlarimiz tomonidan olib borilayotgan bir-biridan qiziqarli ko'ngilochar dasturlar, chiroyli hunarmandchilik buyumlari ham mehmonlar etiboriga havola etilmoqda. Ayniqsa, “Oshdan qaytganning qoshig'i sinsin” shioroi ostida bugun damlanayotgan 100 kilogramm osh ko'pchilikning diqqat-markazida bo'lib turibdi. Quyida festivaldan olingan bir qator fotosuratlarni etiboringizga havola qilamiz: