U rostdan ham semiz Zolushkaga o'xshaydi. Nima uchun Rokki Oskarni qo'lga kiritgan birinchi sport filmi bo'lgan?

1977 yilda «Oskar» mukofotining bosh qahramoni Silvestr Stallone edi: uning kam byudjetli loyihasi Rokki to'satdan eng yaxshi film uchun haykalchani qo'lga kiritadi. 

Nomalum aktyor va scenariy muallifi endi birinchi darajali yulduz bo'ldi va «Rokki»ni o'nlab yillar davomida muvaffaqiyatli filmlar qatorida saqlab qoldi

Rokki syujeti, filmning suratga olish jarayoni yoki Stallonening kinoga borgan yo'li haqida yuzlab matnlar yozildi va o'nlab videolar tahrir qilindi. Yana bir narsa qiziq: O'zi umuman «Rokki» nima uchun «Oskar» oldi? Ha, bu kuchli va kassabop film, lekin raqobatchilar-nomzodlarga katta farq bilan yutqazmagan. Ayniqsa, bundan oldin kinoakademiklar sport haqidagi filmni hech qachon eng yaxshi deb etirof etmagan.

«Rokki» «Taksichi» va «Prezidentlikning butun armiyasi» bilan kurashdi va g'alaba kino tanqidchilarining hafsalasini pir qildi.

1977 yilda «Oskar» mukofotini topshirish marosimi. Rokkidan tashqari, bosh sovrin uchun quyidagilar kurashmoqda:

«Taksi haydovchisi». «Oltin palma to'pi» - Skorsezening asosiy filmi. Nyu-Yorkdagi adolatsizlikdan bo'g'ilib, kechasi qurol olgan Vetnamlik faxriyning dahshatli hikoyasi.

«Prezidentlikning butun armiyasi». Uotergeyt mojarosi haqida mulohaza yuritish - XX asr Qo'shma SHtatlaridagi asosiy ichki siyosiy voqea. Tergov jurnalistlari yaxshi ko'radigan suhbat dramasi.

«Teletarmoq». Amerika kinosining klassikasi Sidney Lyumet televideniening faqatgina reytinglar bilan bandligini ko'rsatdi - kanal boshlovchining charchash fonida asabiy tushkunliklarini muvaffaqiyatli shouga aylantirdi. Bu film «Taksichi» va «Prezidentlikning butun armiyasi» bilan birgalikda - nominaciya favoriti.

«SHon-sharaf yo'lida» folklor qo'shiqchisi Vudi Gutri haqida musiqiy biopik. Film to'rtta haykalchaga ega chiqdi, ammo bu yildagi asosiy nominaciya uchun munosib emas edi.

«Rokki» ularning barchasini mag'lub etdi. Buni Jek Nikolson xotirjam va beparvolik bilan elon qildi, zal quvonchdan g'uvillab ketdi va orkestr filmning asosiy mavzusini ijro etdi. Stallone keng yoqali ko'ylakda, ko'ksi biroz ochiq, xijolat bo'lib, sahnaga yuguradi. Keyinchalik malum bo'lishicha, Stallonening ijaraga olgan kamon galstugi avval qaerdadir yo'qolgan.

Buning o'rniga prodyuser Robert CHartoff asosan shunday deydi: «Rokki» haqidagi hikoyani baham ko'rgan va hayotimizni boyitadigan tushuncha bergan Silvestr Stallonega rahmat» Bu oddiy so'zlarida haqiqat bor - Amerika yangi qahramonlarni talab qildi. Va buni Stallone ixtiro qildi.

Kino tanqidchi Kris Neshavati Rokkining g'alabasini Amerika jamiyatining pozitivlikka bo'lgan talabi bilan bog'laydi

Mamlakat o'zining 200 yilligini nishonladi va asosiy filmlarda faqat zulmat bor: korrupciyani o'rganish, beadab teleboshlovchilar va umidsiz askar. Yangi Gollivud o'sib chiqdi va Amerikani aql bilan kashf qilishdan qo'rqmasligini ko'rsatdi. Faqat oddiy odam eski Gollivuddan nimanidir xohlardi: sodda bo'lsa ham umid nurini sochadigan film.

«Rokki»ning uchta prodyuseri bor edi. Ulardan biri Irvin Uinkler ham tomoshabinlar singari bayroqqa o'ralgan zafarli bokschi tuyg'ularini his qildi: «Menimcha, o'sha paytda mamlakatda o'zgacha bir tushkunlik bor edi - biz endigina daxshatli ijtimoiy muammolar og'ushidagi dastlabki 10 yillikni boshdan kechirgan edik. To'satdan bu film paydo bo'ldi va «Agar o'zingga ishonsang, senda hammasi yaxshi bo'ladi»  - dedi. Va u kutilmaganda Amerikaning bir qismiga aylandi. Nazarimda, agar ushbu kartina ikki yildan keyin yoki ikki yil oldin suratga olinganida, u bu qadar mashhurlikka erishmagan bo'lardi».

Raqobatchilar «Rokki» g'oliblik uchun asosiy davogar ekanligini his qilishdi. Marosimga ketayotib, tarmoq yozuvchisi Peddi Lyumet bilan suhbatda Rokki g'alaba qozonishini bashorat qilib, afsus bilan qo'shib qo'ydi: «Bu ahmoqona kichkina film. Kino akademiklari yaxshi ko'radigan bemanilik» .

Lyumetning o'zi ham «Rokki»ning g'alabasidan g'azablanganini tan oldi: «Men besh marta «Oskar»ga nomzod bo'ldim va ikki marta jahlimni chiqarishdi. «Rokki», «Teletarmoq»ni mag'lub etdi, Xudoyim... »

«Rokki» g'alabasining yana bir sababi - kinoakademiya «Taksichi» filmini mukofot uchun hali etarlicha «pishmagan» deb hisoblaganligida edi. Los-Anjeles kinoarxivi rahbari Yan-Kristofer Xorakning fikricha, «Oskar» mukofoti populistik yo'ldan ketdi: «Mutaxassislardan hech kim «Rokki»ni jiddiy qabul qilmadi. Akademiklar mashhurlikka intilishadi - ular bu tanlov orqali sifat muammo emas degan fikrni tasdiqlashdi. «Taksichi» akademiyaning yoshi ulug' azolarini juda bezovta qilardi. «Prezidentlikning butun armiyasi» esa siyosiy vaziyat tufayli g'alaba qozona olmadi».

Film ijodkarlari ham «Rokki»ning g'alabasiga ishonishmadi - g'alabadan keyin ular «Oskar»ni kechki ovqat stoli ustida nishonlashdi

Prodyuser Uinkler film jamoasi uchta haykalchani qanday nishonlaganini esladi (eng yaxshi filmdan tashqari, «Rokki» eng yaxshi rejissyor va montaj nominaciyalarida g'olib chiqdi). Ular «Oskar»ning bayram oqshomi o'rniga kechki ovqatga borishni afzal ko'rishdi. U erda Stallone dietasini buzdi, gamburger edi, sut kokteyli ichdi, yaqin atrofdagi boshqa mehmonlar esa uchta «Oskar» porlagan stolda g'ayrioddiy kompaniyaga murojaat qilishdi.

Uinkler ham «Rokki»ning g'alabasidan hayratda qoldi. Film premerasidan «Oskar»ga qadar bor-yo'g'i 2,5 oy o'tdi, Nyu-York va Los-Anjelesdagi birinchi namoyishlar salbiy baholar bilan yakunlandi. Ammo tez orada film AQSHning barcha kinoteatrlariga tarqaldi - keyin «Rokkini sevib qolishdi va birdaniga ko'plab kino mukofotlar nominaciyalaridan joy oldi».

Stallone ham «Oskar»ni kutmagandi – kutilmaganda erishilgan g'alaba hatto uning hafsalasini ham pir qildi: «Nazarimda, men o'z cho'qqimga etib kelgandekman. Sizning filmingiz mukofot oldi, xo'sh, keyinchi? Bu aql bovar qilmaydigan muvaffaqiyat edi».

Nima uchun aynan «Rokki»? Stallonening o'zi, uning birinchi ijobiy scenariysi ish berganiga ishonadi, bu uning scenariy yozish odatlariga va jiddiy kinoning umumiy mayus obraziga zid keladi:

«Menda qolgan scenariylarni sotmoqchiman. Ularning sotilmaganligining asosiy sababi shundaki, ularning aksariyati o'ta pessimistik filmlar bo'lib, unda bosh qahramon doimo halok bo'ladi, qiz olovda kuyadi va hokazo. Qisqa qilib aytganda, men hamma narsani o'zgartirdim. Endi odamlarga yoqadigan kulgili kichik hikoyalar yozishni yaxshi ko'raman, chunki ularda unchalik ham zo'ravonlik aks etmaydi . Rokki - Zolushka haqidagi hikoya. U haqiqatan ham semiz Zolushkaga o'xshaydi».

Rokkidan beri sport haqidagi filmlar atigi 2 marta bosh sovrinni qo'lga kiritdi: «Olov aravalari» va «Million dollarlik qizaloq». Ammo sport filmlari doimiy ravishda nomzod qilib ko'rsatiladi va nominaciyalarni qo'lga kiritdi. Uning orasida hali ham futbol haqida film yo'q, lekin boks etakchilik qiladi: «G'azablangan buqa», «Million dollarlik qizaloq», «Jangchi».

Boshqa sport turlari ham Gollivud orqali ommalashgan. «Rokki» g'alabasidan so'ng figurali uchish («Tonya hammaga qarshi»), avtopoyga («Ford Ferrariga qarshi») va hatto bilyard («Pul rangi») haqida filmlar turli nominaciyalar bo'yicha haykalachalarga munosib ko'rildi.

Xorijiy materiallar asosida Sarvinoz Raxmonqulova tayyorladi