Uch mintaqa vakillari Toshkentda

Mazkur tadbir ishtirokchilari MOQda mehmon bo'lishdi.Ularni Qo'mita rahbari Rustam SHoabdurahmonov va uning o'rinbosari SHerzod Tashmatov qarshi olishdi. 

Dastavval, mehmonlarga MOQ binosi bo'ylab ekskursiya tashkil etildi, ularga o'zbek sportining shonli tarixi, Prezidentimizning sohaga qaratayotgan etibori xususida gapirib berildi. SHundan so'ng kichik majlislar zalida bir qator istiqbolli masalalar muhokama qilib olindi.

Takidlash joiz, delegaciya tarkibida Pan Amerika qilichbozlik konfederaciyasi prezidenti Vitaliy Logvin, Afrika qilichbozlik konfederaciyasi prezidenti Mbagnik Ndiaye, Osiyo qilichbozlik konfederaciyasi prezidenti vazifasini bajaruvchi Rusni Abu Hasan, shuningdek, Misr, BAA, Iordaniya qilichbozlik federaciyalari rahbarlari ishtirok etishdi.

Suhbat davomida Rustam SHoabdurahmonov o'zbek qilichbozligining yildan yilga rivoj topib borishi, erishayotgan yutuqlari, bunda davlatimizning qo'llab-quvvatlashi haqida gapirib berdi.

“Hammangizni azim poytaxtimizda ko'rib turganimizdan bag'oyat mamnunmiz. Barcha muvaffaqiyatlarimizga davlatimiz rahbarining sportga qaratayotgan etibori bilan erishmoqdamiz. Jumladan, Tokioda ilk bor qilichbozlik sportida 3 ta yo'llanmaga ega bo'ldik. Ular orasida 18 yoshli sablyachi qizimiz kuchli sakkizlikdan joy oldi. Biz mezbonlik qilayotgan turli yirik xalqaro tadbirlar ham hukumatimizning qo'llab-quvvatlashi bilan o'tmoqda. Maqsad esa mamlakatimizda sport targ'ibotini yanada kuchaytirish”, – dedi MOQ rahbari.

Tadbir davomida BAA va Misr vakillaridan o'zaro hamkorlik rivojini yangi bosqichga olib chiqish, erishilgan so'nggi yutuqlar bilan o'rtoqlashish maqsadida hamkorlik memorandumini imzolash bo'yicha taklif bildirildi. SHuningdek, qilichbozlik istiqboliga oid bir qator masalalar atroflicha muhokama etildi.

Yakunda mehmonlarga MOQning esdalik sovg'alari taqdim etildi.

Kunning ikkinchi yarmida mehmonlar poytaxtimizda qad rostlayotgan Islom civilizaciyasi markaziga tashrif buyurib, u erda qad rostlayotgan islom olamining eng yirik zamonaviy markazlaridan birida olib borilayotgan qurilish ishlari bilan tanishishdi.