09 may 15:43
Yangiliklar

Dzyudo

Uch nafar dzyudochimiz Baku Grand Slam turnirida ishtirok etadi

10-12 may kunlari Ozarbayjon poytaxti Boku shahrida “Katta Dubulg'a” turkumiga kiruvchi nufuzli turnir bo'lib o'tadi.

Ushbu musobaqada sayyoramizning 5 ta qitasi 57 davlatidan jami 449 (266 erkak, 183 ayol) nafar dzyudochi ishtirok etadi. Odatdagidek erkaklar va ayollar 7 tadan vazn toifasida bahslarga kirishishadi.

Baku Grand Slam 2019 musobaqasida uch nafar o'zbekistonlik dzyudochilar ham o'z mahoratlarini namoyish etishadi. Boku tatamilarida Muhiddin Tilovov, SHahzod Sobirov va Obidxon Numonov yurtimiz sharafini himoya qilishadi.

Malumot uchun, “Katta Dubulg'a” turkumiga kiruvchi turnir g'oliblari 1000 reyting ochkosini qo'lga kiritishadi. Kumush medal sohiblari 700, bronza medal sovrindorlari esa 500 reyting ochkosiga ega bo'lishadi. Beshinchi o'rin egalari 360, ettinchi pog'ona bilan kifoyalanganlar 260 ochkoni o'z hisoblariga yozib qo'yishadi.

Bokuga yo'l olgan tarkib:

-66 kg: Muhiddin Tilovov

-73 kg: Obidxon Numonov

-90 kg: SHahzod Sobirov