03 iyu 08:24
Yangiliklar

Boks/MMA

UFC 276. 40 yoshli Robbi Louler ishtirokidagi jangda texnik nokaut qayd etildi

AQSHning Las-Vegas shahridagi "Ti-Mobayl Arena"da o'tkazilayotgan UFC 276 turniri o'zining qizg'in pallasiga kirdi.

Asosiy karddan o'rin olgan janglarning biri yarimo'rta vazn toifasida o'tkazilib, unda amerikalik 40 yoshli Robbi Louler 33 yashar vatandoshi Brayan Barbarenaga qarshi oktagonga ko'tarildi.

Ushbu jang ham ikkinchi raundda yakunlandi. Barbarena texnik nokaut evaziga o'zidan 7 yoshga katta raqibini texnik nokautga uchratdi. Bir yarim raund davomida Brayan Robbining boshiga 101 ta zarba yo'lladi.

SHu tariqa, Louler so'nggi oltita jangidagi beshinchi mag'lubiyatini qabul qilib oldi. Uning hisobida 30 g'alaba va 16 mag'lubiyat bor. Barbarena esa bugun 18-g'alabasini tantana qildi. Hisobidagi mag'lubiyatlar soni 8 taligicha qoldi.