UFC 290 turnirining barcha natijalari bitta xabarda

Oqshomning markaziy jangida yarimengil vazn toifasi chempioni, avstraliyalik Aleks Volkanovski meksikalik davogar Yair Rodrigesni uchinchi raundda texnik nokautga uchratgandi. 

Quyida kardidan jami 13 ta jang o'rin olgan UFC 290 turnirining barcha natijalari bilan tanishing. Bor yo'g'i 4 ta jang g'olibi ochkolar hisobiga ko'ra aniqlandi. Qolgan 9 ta jang muddatidan avval yakunig etdi. 

Erta prelim janglari:

Esteban Ribovich Kamuelo Kyorkani ochkolar (29-28, 29-28, 29-28) hisobiga ko'ra mag'lub etdi; 

Xesus Agilar 1-raundning 17-soniyasida SHennon Rossni nokautga uchratdi; 

Kameron Saayman 1-raundning 3-daqiqasi 10-soniyasida Terrens Mitchellni  texnik nokautga uchratdi; 

Vitor Petrino jang yakunlanishiga 18 soniya qolgan bir paytda Marchin Praxnioni bo'g'ib qo'ydi. 

Prelim janglar:

Alonzo Menfild 2-raundning 1-daqiqasi 55-soniyasida Jim Krutni bo'g'ish usuli bilan taslim etdi; 

Denisa Gomes jangning 20-soniyasidayoq Yazmin Auregini texnik nokautga uchratdi; 

Tatsuro Taira Edgar CHayrezni ochkolar hisobiga ko'ra mag'lubiyatga uchratdi (29-27, 29-27, 29-27); 

Robbi Louler jangning 38-soniyasidayoq Niko Praysni nokautga uchratdi; 

Asosiy kard:

Bo Nikal jangning 38-soniyasida Val Vudbyornni nokautga uchratdi; 

Den Xuker Jelin Tyornerni ochkolar hisobiga ko'ra engdi (29-28, 28-29, 29-28); 

Drikus Dyu Plessi 2-raundning 2-daqiqasi 23-soniyasida Robert Uittakerni texnik nokautga uchratdi; 

Aleksandr Pantoja Brendon Morenoni hakamlarning ayri qarori bilan taslim etdi va chempionga aylandi (48-47, 46-49, 48-47). 

Oqshomning asosiyi jangi:

CHempion Aleksandr Volkanovski davogar Yair Rodrigezni 3-raundning 4-daqiqasi 29-soniyasida texnik nokautga uchratdi.