UFC 291 turnirining asosiy kardi tasdiqlandi

UFC promousheni tomonidan shu haftaning yakshanba tongida AQSHning Sol-Leyk-Siti shahrida o'tkaziladigan UFC 291 turnirining asosiy kardi tasdiqlandi. Aralash yakkakurash ustalarini dahshatli janglar kutmoqda. 

Oqshomning markaziy jangi amerikalik engil vazn (70 kilogrammgacha) toifasi vakillari - Dastin Pore hamda Jastin Getji o'rtasida bo'lib o'tadi. Revansh maqomidagi ushbu jangda Getji alamini olishga urinib ko'radi. G'olib jangchi chempionlik kamari uchun rasmiy davogarga aylanadi. 

Sobiq UFC chempionlari - Aleks Pereyra va Yan Blaxovich esa ahamiyati jihatidan ikkinchi jangda yarim og'ir vazn toifasidagi chempionlik kamari uchun oktagonga ko'tarilishadi. Oyog'idan olgan jarohati sabab uzoq muddatga safdan chiqqan Jamal Xill kamarni vakant qoldirgandi.  

UFC 291. Asosiy kard:

Dastin Pore (AQSH) – Jastin Getji (AQSH);

Yan Blaxovich (Polsha) – Aleks Pereyra (Braziliya);

Stiven Tompson (AQSH) – Mishel Pereyra (Braziliya);

Toni Fergyuson (AQSH) – Bobbi Grin (AQSH);

Maykl Keza (AQSH) – Kevin Xolland (AQSH).