05 noy 18:39
Yangiliklar
Boks/MMA
UFC Ankalaev uchun uchta ehtimoliy sanani taklif qildi
Yarim og'ir vazn toifasida UFC reytingida birinchi o'rindagi rossiyalik Magomed Ankalaev navbatdagi jangiga oid muzokaralarga to'xtaldi.
U keyingi jangini vazn chempioni, braziliyalik Aleks Pereyraga qarshi o'tkazishi kerak.
"Dekabr, fevral va mart oylaridan menga uchta turnirni taklif qilishdi va men hammasiga rozi bo'ldim. Men nokaut bilan g'alaba qozonaman, shuning uchun menda hech qanday muammo yo'q", deb yozdi Ankalaev X (Twitter) ijtimoiy tarmog'idagi sahifasida.
Eslatib o'tish joiz, 26 oktyabr kuni o'tkazilgan UFC 308 turniri doirasida Ankalaev diviziondagi to'rtinchi raqamli avstriyalik sportchi — Aleksandr Rakichni ochkolar hisobiga ko'ra mag'lub etgandi.
Havola :
Manba : twitter.com/AnkalaevM
Fikrlar