UFC Barberena - Rahmonov jangiga ko'nmadi

UFC qozog'istonlik SHavkat Rahmonov (16-0) bilan jang tashkil qilib berishni so'ragan amerikalik Brayan Barberena (18-9)ga rad javobini berdi. Bu haqda Brayanning o'zi malum qilgan.

"Menga Rahmonov bilan jang qilmasligimni aytishdi. Oxirgi jangimdan keyin bunday imkoniyatga loyiq emasligimni bilaman, lekin bu yil ikki g'alabaga ham erishdim va o'ylaymanki, har bir jang induvidual harakatlarga bog'liq. Men juda xavfli jangchiman. Ishonchim komilki, men Rahmonovni mag'lub eta olaman va muxlislarga xohlagan narsalarini bera olaman. Ammo yakuniy so'zni har doim UFC aytadi", - deb yozgan Barberena ijtimoiy tarmoqlardagi rasmiy sahifasida.

Rahmonov 14 yanvar kuni Las-Vegas (AQSH)da tashkil etiladigan UFC Fight Night 217 musobaqasi doirasida amerikalik Jeff Nil (15-4)ga qarshi oktagonga ko'tarilishi kerak edi. Jarohat sabab Nil safdan chiqdi, SHavkat esa raqibsiz qoldi. Haligacha Rahmonovga yangi raqib topilmayapti.

Malumot uchun, Brayan Barberena so'nggi bor 2022 yil 3 dekabr kuni Rafael dos Anos (32-14)ga qarshi jang qilib, sabmishen bilan mag'lub bo'lgan edi.