UFC chempioni Kayla Xarrisonning falaj bo'lib qolishiga bir bahya qoldi

Unga shifokorlar bo'ynidagi shoshilinch jarrohlik amaliyotidan voz kechishning ayanchli oqibatlarini tasvirlab berganidan so'ng, Amanda Nunesga qarshi chempionlik jangidan voz kechgandi.

Bu haqda Submission radiosiga bergan intervyusida amerikalik chempionning menejeri Ali Abdel-Aziz malum qildi.

"U hatto qo'lini ham ko'tara olmadi. Unga ukol qilishdi, yallig'lanishga qarshi bir dunyo dori berishdi - hech narsa yordam bermadi. UFC uni Nyu-Yorkka jo'natdi va shifokorlar unga darhol operaciya qilish kerakligi, aks holda shol bo'lib qolishi mumkinligini aytishdi", - dedi Abdel-Aziz.

SHuningdek, Abdel-Azizning so'zlariga ko'ra, Xarrisonni jarrohlik stoliga yotishiga majbur qilgan bo'yin jarohati dzyudo bo'yicha ikki karra Olimpiya chempioni ko'p yillardan beri kurashayotgan surunkali muammo hisoblanadi.

Eslatib o'tamiz, chempion Xarrison va davogar Nunes o'rtasidagi chempionlik jangi 25 yanvar kuni tong saharda Las-Vegasda o'tadigan UFC 324 turnirining co-main event to'qnashuvi bo'lishi kerak edi.