UFC chempioni Valentina SHevchenkoning raqibasi malum

Qirg'izistonlik chempion 4 mart kuni AQSHning Nevada shtati, Las-Vegas shahrida o'tkaziladigan UFC 285 turnirida oktagonga ko'tariladi. Uning raqibasi divizion reytingida to'rtinchi o'rinni egallab turgan meksikalik Aleksa Grasso bo'ladi.

Malumot uchun, 34 yoshli Valentina SHevchenko o'tgan yilning iyun oyida o'z chempionlik kamarini ettinchi bor muvaffaqiyatli himoya qilgandi. O'shanda qirg'iz aralash yakkakurash ustasi Taila Santosni ochkolar hisobiga ko'ra mag'lubiyatga uchratgan edi. 29 yoshli Aleksa Grasso esa to'rtta g'alabali seriya bilan kelmoqda. Oxirgi jangida u Vivian Araudjodan ustun kelgandi.

Eslatib o'tamiz, UFC 285 oqshomining markaziy jangi og'ir vazn toifasi chempionligi uchun kechadi. Frensis Ngannudan keyin vakant bo'lib qolgan UFC kamari uchun Jon Jons va Siril Gan bahs olib borishadi.