20 fev 07:35
Yangiliklar

Boks/MMA

UFC Fight Night 201. Markaziy jang muddatidan avval yakunlandi

Biroz avval AQSHning Nevada shtati Las-Vegas shahrida navbatdagi UFC turniri yakuniga etdi.

"YUEfSi Apeks" arenada o'tgan UFC Fight Night 201 turnirining markaziy jangi yarimog'ir vazn toifasida tashkil etilib, unda braziliyalik 29 yoshli Jonni Uoker amerikalik 30 yashar Jamaal Xillga qarshi oktagonga ko'tarildi.

Jang muddatidan avval yakunlandi. Birinchi raundning ikkinchi daqiqasi 55 soniyasi o'tib borayotgan bir pallada referi jangni to'xtatdi. Xill oyoqda bergan kuchli va aniq zarbasi evaziga raqibini nokautga uchratdi.

SHu tariqa, Jamaal Xill UFC ligasidagi beshinchi g'alabasini tantana qildi. Hisobida bitta mag'lubiyat va bitta bekor qilingan jang bor. Jamaalning MMAdagi rekordi – 9-1-1. Uoker esa bugun UFC`dagi to'rtinchi mag'lubiyatini qabul qilib oldi. U oxirgi 5 ta jangidan 4 tasida mag'lubiyatga uchragan.