UFC Fight Night 208 turnirining markaziy jangi 15 soniya davom etdi

UFC Fight Night 208 turnirining markaziy jangi og'ir vazn toifasida o'tkazilib, unda amerikalik Kyortis Bleyds britanyalik Tom Aspinallga qarshi oktagonga ko'tarildi. Jang kutilmaganda birinchi raundning 15-soniyasidayoq yakunlandi. Aspinall loukik zarbasini yo'llashda oyog'ining tizza qismini shikastlab oldi. Natijada jang to'xtatildi va Kyortisga texnik g'alaba taqdim etildi. 

SHu tariqa, Kyortis Bleyds faoliyatidagi 17-g'alabasini tantana qildi. Uning hisobida 3 ta mag'lubiyat bor. Yana bir jang o'tkazilmagan deb topilgan edi. Aspinall esa uchinchi mag'lubiyatini qabul qilib oldi. G'alabalari soni 15 taligicha qoldi.