UFC Fight Night 220: Oqshomning markaziy jangi muddatidan avval yakunlandi

UFC Fight Night 220 oqshomining markaziy jangi o'rta vazn toifasida o'tkazilib, unda Andre Muniz Brendan Allenga qarshi oktagonga ko'tarildi. Aslida bu to'qnashuv turnirning ko-meynivent jangi maqomida bo'lishi kerak edi. 

Markaziy jang ishtirokchisi, rossiyalik yarimog'ir vazn toifasi vakili Nikita Krilovning sog'lig'ida muammo yuzaga kelgani sababli, uning amerikalik Rayan Spennga qarshi jangi bir necha soat qolganida bekor qilindi. Natijada Andre Muniz ishtirokidagi ko-meynivent jangi markaziy bahsga aylandi. 

Uch raundga belgilangan jang yakuniga 35 soniya qolganida to'xtatildi. Allen raqibini bo'g'ish usuli bilan mag'lubiyatga uchratdi. Ko-meynivent jangida esa braziliyalik og'ir vazn toifasi vakili Augusto Sakay amerikalik DonTela Maysdan ochkolar hisobiga ko'ra ustun keldi. Bu bilan u ketma-ket 4 ta mag'lubiyatli seriyasiga chek qo'ydi. 

Qolgan natijalarga to'xtaladigan bo'lsak, uzoq muddat - to'rt yillik tanaffusdan so'ng oktagonga qaytgan Tatyana Suares ikkinchi raundda Montana De La Rosadan ustun keldi. Tojikistonlik birinchi UFC jangchisi Nurullo Aliev debyutini g'alaba bilan nishonladi. U Rafael Alvesni ochkolar hisobiga ko'ra taslim etdi. 

SHuningdek, bugungi oqshomda Mayk Melott, Trevor Pik, Jordan Livitt va Jo Solekilar raqiblarini muddatidan avval mag'lubiyatga uchratishdi.