16 fev 09:56
Yangiliklar

Boks/MMA

UFC Fight Night 251 turnirining bonus sohiblari malum

Bugun tongda Las-Vegas shahrida o'tkazilgan UFC Fight Night 251 turnirining bonus sohiblari elon qilindi.

Jared Kannonir, Gregori Rodriges, Edmen SHaxbazyan va Gabriel Bonfim kafolatlangan gonorardan tashqari qo'shimcha 50 000 dollarlik mukofot puliga loyiq ko'rilishdi.

Kannonir va Rodriges o'rtasidagi turnirning markaziy bahsi oqshomning eng yaxshi jangi sifatida etirof etildi. Jared birinchi raundning o'zida ikki bor nokdaun holatiga tushib qolganiga qaramay, to'rtinchi raundda raqibini nokautga uchrata oldi.

SHaxbazyan va Bonfim esa yorqin jang uchun bonus qo'lga kiritdi. Edmen SHaxbazyan birinchi raundning ikkinchi daqiqasi o'tib borayotgan bir pallada bitta aniq zarba evaziga Dilan Budkani taslim etdi. Gabriel Bonfim esa ikkinchi raund yakunlanishiga ikki soniya qolganida Xaos Uilyamsni bo'g'ib qo'ydi.