UFC jangchilari endi janglarga stavka qila olmaydi

Jurnalist Ariel Xelvanining xabar berishicha, UFC jangchilar va ularning jamoalariga promoushen janglariga pul tikishni taqiqlab, qoidalarni o'zgartirgan.

«UFC hozirgina jangchilar va menejerlarga sportchilarning xulq-atvori siyosatidagi o'zgarishlar haqida eslatma chiqardi: endi UFC jangchilariga tashkilotning har qanday jangiga, ular qatnashgan yoki qatnashmaganiga qaramay, pul tikish taqiqlanadi. Lekin ular baribir bukmekerlik kompaniyalariga homiylik qilishlari mumkin», - deb yozgan Xelvani.