"UFC meni hurmat qilmayapti" - Xuker

Bu vaziyat tufayli u sentyabrda Pertdagi UFC turnirida ishtirok etish rejasidan voz kechgan.

Xukerning aytishicha, u jamoadoshi Kay Kara-Fransni qo'llab-quvvatlash uchun UFC 317 turniriga borgan, biroq oxirgi paytda tashkilot tomonidan uning chiptalari bekor qilingan.

"Meni qandaydir tadbirga jalb qilishdi va ertalab soat 7:30 da uyg'otishdi. Bu vaqtda Yangi Zelandiyada tungi soat 3 edi. Erta yotganman, lekin soat 3 da uyg'onishga rozi emasman. Uyg'onolmadim va UFC tadbiriga bormadim. SHu payt ular mening Kayning jangi uchun berilgan chiptalarimni bekor qilishdi.

Endi shunday chiqyaptiki, men jarohat bilan jang qilishim kerak, faqatgina men uchun chipta bermay qo'ygan tashkilot uchunmi? Jang qilardim, lekin kimdir ofisida o'tirib mening nomimni ro'yxatdan o'chirib tashladi.

Sen ofisida ishlaysan, og'ayni. Men esa oktagonda. SHou uchun o'z jonini xavfga qo'yadigan sportchilarga o'zgacha hurmat bo'lishi kerak. Men qancha qon, ter va ko'z yoshi to'kdim, lekin hurmatga loyiq emas ekanman. Mayli, biznes bo'lsa, biznes. Demak, endi jangni o'z shartlarimda olib boraman. Meni hurmat qilmaydigan kompaniya uchun belimni sindirib o'tirmayman", – dedi Xuker Submission Radio'ga bergan intervyusida.