UFC mutaxassisi CHimaevning g'alabasini uch yil oldin bashorat qilgan: "Ijtimoiy tarmoqlar buni unutmaydi..."

"Bu ishimizning bir qismi. Ko'p odamlar bilan suhbatlashasiz, vaqti-vaqti bilan jang natijasini to'g'ri bashorat qilishga muvaffaq bo'lasiz va ijtimoiy tarmoqlar buni unutmaydi.

Uch yil oldin UFC jangchilari bilan mashg'ulot o'tkazgandim. Ular CHechenistondan kelgan ajoyib yigit haqida gapirib berishgan edi. Unda g'alaba ruhiyati borligini aytishdi. So'ng ular menga: "Navbating kelsa chiqasan. Boshqa hech kim u bilan jang qilishni xohlamaydi", — deyishdi. 

Har bir sport zalida bunday yigitlar bor. Menimcha, u o'z mentalitetida ham bu ruh borligi uchun shunday darajaga erishdi. Agar natijang 10-0 bo'lsa, divizionning ikkinchi o'rnida turuvchi jangchiga qarshi oktagonga ko'tarilishga arziysan. Bu juda katta qadam. Bu imkoniyatlardan qisqa fursatda foydalansang, UFC'ga sening ishtiroking kerak bo'ladi. Gilbert Byorns kuchli zarbaga ega va istalgan paytida uni nokaut qila olishi mumkin edi. CHimaev 15 ta jang o'tkazgandan so'ng, nimalar qilishini tasavvur ham qila olmayman", — dedi Brayan Stenn.

Eslatib o'tamiz, Xamzat CHimaev UFC 273 turnirida braziliyalik Gilbert Byorns ustidan g'alaba qozongandi.