UFC og'ir vaznlilar reytingida peshqadam o'zgardi

Sobiq vaqtinalik chempion Siril Gan yangilangan reytingda birinchi o'ringa ko'tarilib oldi. U Parijda o'tgan UFC turnirida Sergey Spivakni muddatidan avval mag'lubiyatga uchratgan edi. Gan reytingda rossiyalik Sergey Pavlovich bilan o'rin almashib oldi. Jon Jons vazn chempioni bo'lib turibdi. 

UFC Fight Night 226 oqshomida aynan Sirilga yutqazgan moldovalik jangchi esa 8-o'ringa pastladi. Rossiyalik Aleksandr Volkov esa aksincha, 7-o'ringa yuqoriladi. Volkov kelayotgan yakshanba tongida Sidney shahrida o'tkaziladigan UFC 293 turnirida avstraliyalik Tai Tuivasaga qarshi oktagonga ko'tariladi. Tuivasa hozir 6-o'rinni band etgan.