10 avg 07:57
Yangiliklar

Boks/MMA

UFC on ESPN 72 turnirining barcha janglari natijasi bitta xabarda + FOTO

AQSHning Nevada shtati Las-Vegas shahridagi "Apex Arena" UFC on ESPN 72 turniriga mezbonlik qildi.

Xabar berganimizdek, oqshomning asosiy jangi o'rta vazn toifasida o'tkazilib, unda amerikalik Entoni Ernandes gruziyalik Roman Dolidzeni to'rtinchi raundda sambishen, yani ortdan bo'g'ish usuli bilan mag'lubiyatga uchratdi. Bu amerikalik aralash yakkakurash ustasi uchun faoliyatidagi 20-g'alaba bo'ldi.

Turnirning co-main event jangi o'ta engil vaznda o'tkazildi. Unda divizion reytingida o'ninchi o'rinni egallab turgan Stiv Erceg Ode Osbornga qarshi oktagonga chiqdi. Uch raund to'liq davom etgan jangda Stiv Erceg hakamlarning yakdil qarori (29-28, 29-28, 29-28) bilan g'alaba qozondi. Bu bilan Erceg o'zining uchta mag'lubiyatli seriyasiga barham berdi.

UFC on ESPN 72 turnirining barcha natijalari

Entoni Ernandes Romana Dolidzeni bo'g'ish usuli bilan taslim etdi — (4-raund, 2:45).

Stiv Erceg Ode Osborndan ochkolar bo'yicha ustun keldi (29-28, 29-28, 29-28).

Yasmin Lusindo Anjela Xillni ochkolar bo'yicha engdi (30-27, 30-27, 29-28).

Andre Fili Kristian Rodrigesni hakamlarning ayri qarori bilan yutdi (29-28, 28-29, 30-27).

Jan Macumoto Mayls Jonsni mag'lubiyatga uchratdi (29-28, 28-29, 29-28).

Kristian Leroy Dankan Erik Andersni 1-raundda texnik nokautga uchratdi (1-raund, 3:53).

Julius Uoker Raffael Serkeyrani ochkolar hisobi bo'yicha mag'lub etdi (30-27, 30-27, 30-26).

Elayj Smit 1-raundda Tosiomi Kadzamani nokaut qildi (1-raund, 4:10).

Joselin Edvards Priscila Kashoeyrani 1-raunda nokaut evaziga taslim etdi (1-raund, 2:24).

Urosh Medich Gilbert Urbinni 1-raundda nokautga uchratdi (1-raund, 1:03).

Gabriella Fernandes Yuliya Stolyarenkodan ochkolar hisobi bo'yicha mag'lubiyatga uchratdi (29-28, 29-28, 30-27).

Erik Makkoniko Kodi Brandeyjdan ustun keldi (29-28, 27-30, 29-28).

Navbatdagi UFC turniri bir haftadan so'ng o'tkaziladi. Raqamlangan 319 turnirining asosiy jangi o'rta vazn toifasida — amaldagi chempioni Drikus dyu Plessi hamda davogar Xamzat CHimaev o'rtasida bo'lib o'tadi. Ushbu turnir doirasida hamyurtimiz Nursulton Ro'ziboev ham oktagonga chiqadi.