UFC prezidenti Xamzat CHimaevning kim bilan jang qilishini aytdi

Yarimo'rta vaznda UFC chempionlik kamari uchun sobiq davogar Gilbert Berns ushbu ro'yxatda yagona jangchi emas. Bu haqda BT Sport saytiga bergan intervyusida Dana Uaytning o'zi aytib o'tdi.

"Xamzat Gilbert Berns yoki Visente Luke bilan jang qiladi. Aynan shu ikki yakkakurash ustasidan biri CHimaevning keyingi raqibi bo'ladi. Biz bu jang ustida ishlayapmiz", - dedi UFC prezidenti.

Avvalroq, Gilbert Berns ham, Xamzat CHimaev ham o'zaro jang qilishga tayyor ekanliklarini malum qilishgan edi. Braziliyalik Luke esa chechenistonlikka qarshi 9 aprel kuni Bruklindagi UFC 273 yoki 7 mayga belgilangan Rio-de-Janeyrodagi UFC 274 turnirida oktagonga chiqishga rozilik bergan.

Malumot uchun, ayni paytda Gilbert Berns hamda Visente Luke UFC yarimo'rta vaznlilar reytingida mos ravishda ikkinchi va to'rtinchi o'rinlarni egallab turishibdi. Xamzat CHimaev esa 11-pog'onadan joy olgan.