20 iyu 19:00
Yangiliklar

Boks/MMA

UFC qozog'istonlik Damir Ismagulovning navbatdagi jangini rasman tasdiqladi

Xabar berganimizdek, 2 iyul kuni AQSHning Nevada shtati Las-Vegas shahrida UFC Fight Night turniri bo'lib o'tadi.

Ushbu oqshomdan o'rin olgan yana bir jang elon qilindi. Unga ko'ra, engil vazn toifasida qozog'istonlik Damir Ismagulov (24-2) AQSH vakili Grant Douson (19-1-1) bilan 3 raundlik jangda to'qnash keladi. Ahamiyatlisi, mazkur jang turnirning ikkinchi asosiy jangi (co main event) sifatida o'tadi.

Malumot uchun, musobaqaning markaziy jangida o'rta vazn vakillari SHon Striklend (26-5) hamda Abusupyan Magomedov (25-4-1) bilan to'qnash keladi.

Eslatib o'tamiz, Damir Ismagulov so'nggi jangini o'tgan yilning dekabr oyida Arman Carukyanga qarshi o'tkazib, mag'lubiyatga uchragan edi. Grant Douson esa oxirgi jangini Mark Madsenga qarshi o'tkazib, g'alaba qozongandi.