UFC reytingi yangilandi. Kimda qanday o'zgarish?

UFC Rio-de-Janeyro shahri (Braziliya)da o'tkazilgan UFC 283 turniridan so'ng divizionlar reytingini yangiladi.

Xususan, P4P, yani vazn toifasidan qatiy nazar kuchlilar reytingida katta o'zgarishlar yuzaga keldi. Deyvison Figeredoni mag'lub etib, o'ta engil vazn chempionligini qaytarib olgan meksikalik Brendon Moreno olti pog'ona ko'tarilib, 9-o'ringa joylashdi. Aksincha, Figeredo ushbu mag'lubiyatidan keyin besh pog'ona pastladi va reytingning 15-o'rnidan joy egalladi.

Takidlash lozim, UFC 283 musobaqasining markaziy jangida Glover Teysheyrani engib, yarimog'ir vazn chempioniga aylangan Jamal Xill ilk bor P4P reytingiga kiritildi. U ayni damda mazkur reytingning o'n uchinchi pog'onasida bormoqda.