14 iyu 11:13
Yangiliklar

Boks/MMA

UFC rossiyalik ayol jangchi bilan shartnoma imzoladi

UFC promoushenidagi rossiyalik aralash yakkakurash ustalari soni yana bittaga ko'paydi.

Engil vazn toifasida o'z janglarini o'tkazib kelayotgan 27 yoshli Darya Jeleznyakova bundan buyon UFC ligasida oktagonga ko'tariladi. Darya so'nggi uchta jangini Franciyaning Ares Fighting Championship bayrog'i ostida o'tkazgan edi.

U gruziyalik yakkakurash malikasi Liana Jojuani hakamlarning yakdil qarori bilan mag'lubiyatga uchratib, Melisse Mallinzga texnik nokaut evaziga yutqazib qo'ygan edi. Oxirgi jangini 7 aprel kuni Mari Luazoga qarshi o'tkazib, raqibasini texnik nokautga uchratgandi.

Ungacha Jeleznyakova GIT Sech, MMA Series va Open FC ligalarida o'z janglarini o'tkazgan. Hisobida 8 g'alaba va 1 mag'lubiyat bor.