UFC suniy intellekt yordamida tuzilgan ilk reytingni elon qildi

Meta UFC reytinglari har bir rasmiy UFC tadbiridan keyin dushanba kunigacha avtomatik ravishda hisoblab chiqiladi va yangilanadi. Sportchilarning individual reytinglarini aniqlash uchun tizim statistik modellashtirish UFC sohasidagi chuqur bilimlar bilan uyg'unlashtiradi. U obektiv ko'rsatkichlarning keng qamrovli to'plamini, jumladan, natija ehtimoli, g'alaba turi, jangchining rivojlanish yo'nalishi va vazn toifalariga sezuvchanlikni baholaydi.

Meta UFC reytingiga ko'ra, o'zidan yuqorida borayotgan raqib ustidan qozonilgan g'alaba reytingi pastroq raqib ustidan qozonilgan g'alabaga qaraganda kattaroq ahamiyatga ega. Reytingning Top-5 davogari ustidan ishonchli g'alaba esa reytingi yo'q raqib ustidan hakamlar qarori bilan qozonilgan g'alabadan ko'ra kuchliroq signal hisoblanadi. 

Tizim, shuningdek, yaqinda bo'lib o'tgan janglarni ham hisobga oladi: yangi janglar ko'proq ahamiyat kasb etadi va uzoq muddatli tanaffuslar uchun harakatsizlik jarimalari qo'llaniladi. Faqat janglar haqidagi o'lchanadigan malumotlarga asoslanib, Meta UFC reytingi jangchining reytingdagi o'rni uning oktagondagi haqiqiy musobaqa natijalarini aniq aks ettirishini kafolatlaydi - boshqa hech narsa emas!" - deyiladi press-relizda.

Hamyurtimiz Bogdan Guskov yarim og'ir vazn toifasi reytingida 10-o'rinda qayd etilgan. Uning bo'lajak jangdagi raqibi polshalik sobiq UFC chempioni Yan Blaxovich esa Top-15`ni yakunlab turibdi.