UFC tojikistonlik sportchi ishtirokidagi jangni rasman elon qildi

Tashkilotchilar tomonidan ushbu turnirdan o'rin olgan ikkita jang rasman elon qilindi.

Tojikistonlik aralash yakkakurash ustasi Nurullo Aliev turnir doirasida Isroil vakili Yanal Ashmozga qarshi oktagonga chiqadi.

Aliev hozirga qadar faoliyati davomida 9 ta jang o'tkazib, barchasida g'alaba qozongan. UFC'dagi debyut jangida u Rafael Alvesni mag'lub etgandi. Ashmoz hisobida esa 8 ta g'alaba va 2 ta mag'lubiyat bor.

Bundan tashqari, rossiyalik Roman Kopilov musobaqada amerikalik Kris Kyortisga qarshi jang o'tkazadi. Kris divizion reytingining 15-pog'onasdan joy olgan. 

Malumot uchun, 33 yoshli Roman Kopilov shu yilning iyun oyida Sezar Almeydani ochkolar hisobiga ko'ra taslim etgandi. 37 yoshli Kris Kyortis esa oxirgi jangida Brendan Allenga yutqazib qo'ygandi.