17 sen 08:47
Yangiliklar

Boks/MMA

UFC`ning eng yosh jangchisi Rosas ishtirokidagi jang birinchi raundda yakunlandi

Xabar berganimizdek, ayni daqiqalarda AQSHning Nevada shtati Las-Vegas shahrida UFC turniri bo'lib o'tmoqda.

Biroz avval UFC Fight Night 227 turnirining asosiy kard janglari boshlandi. Unda amerikalik 18 yoshli Raul Rosas vatandoshi Terrens Mitchellga qarshi oktagonga ko'tarildi. Jang birinchi raunddayoq UFC`ning eng yosh vakili g'alabasi bilan yakunlandi. Rosas texnik nokaut evaziga hamyurtini mag'lubiyatga uchratdi.

Eslatib o'tamiz, Raul bundan avvalgi jangida yana bir AQSH vakili Kristian Rodrigesga uchinchi raundda yutqazib qo'ygandi. Bugun u UFC promoushenidagi uchinchi jangini o'tkazdi. Ilk jangida amerikalik Jey Perrindan ustun kelgandi. Uning professional MMAdagi rekordi - 8 g'alaba va 1 mag'lubiyat.

Terrens Mitchell esa bugun beshinchi mag'lubiyatini qabul qilib oldi. Uning hisobida 11 g'alaba ham bor. Bundan avvalgi jangida u Kemeron Saimanga texnik nokaut evaziga yutqazib qo'ygandi.