22 avg 08:00
Yangiliklar
Ular JCHga boradilar #5: Iqboljon Xoldorov
O'zbek boksi muxlislariga may oyida Toshkentda bo'lib o'tgan Osiyo chempionatidan so'ng tanilgan Iqboljon Xoldorov 1997 yilda Andijonda tug'ilgan.
Fazliddin G'oibnazarovdan so'ng bu vazn toifasida Elnur Abduraimov ringga chiqa boshlagandi. Ammo, Osiyo chempionatida Elnur o'zining sevimli vazniga qaytarildi. -64 kg vazn toifasida esa O'zbekiston chempionatida kumush medalni qo'lga kiritgan Iqboljon Xoldorov terma jamoa azosiga aylandi.
Ushbu vazn toifasi boksda eng qiyin va shu bilan eng tomoshabop hisoblanadi. Bu ham Iqbolga o'ziga hos masuliyatni yuklaydi. Mazkur vazn toifasi bokschisida bo'lishi lozim bo'lgan hislatlar: tezkorlik va chaqqonlik unda topiladi. Sportchining statistikalarini ko'zdan kechirar ekanmiz, u O'zbekiston chempionatida ikki marotaba finalga chiqib, ikkalasida ham kumush medal bilan kifoyalangan ekan.
2015 yilgi chempionat yarim finalida u bugungi kunda professional boksda mag'lubiyatsiz odimlayotgan va yaxshigina reyting ochkolariga ega bo'lgan Qudratillo Abduqahhorovni mag'lubiyatga uchratgan ekan. Finalda esa Fazliddin Meliboevga imkoniyat boy berilgan.
2016 yilgi O'zbekiston chempionatida esa finalda Elnur Abduraimovga yutqazib qo'ygan.
Gamburg turniri Iqbol uchun ilk jahon chempionati hisoblanadi. Turnirga u Toshkentda bo'lib o'tgan Osiyo chempionatida yo'llanmani qo'lga kiritgan. Sportchimiz qita birinchiligida barcha raqiblarini mag'lubiyatga uchratib, oltin medal sohibiga aylangandi.
Ushbu JCH Iqbol uchun tajriba maktabi vazifasini o'tashi kutilmoqda.
-64 kg vazn toifasida JCH favoritlari qatorida armanistonlik Xovannes Bachkov (Evropa chempioni), Ozarbayjon vakili Lorenco Sotomayor (Rio Olimpiadasi kumush medali sohibi, uni finala Fazliddin G'oibnazarov mag'lub etgani yodingizda bo'lsa kerak) , kubalik Endi Kruz Gomes (Iqboljon "Uzbek Tigers" safida unga yutqazib qo'ygan), Germaniya sharafini himoya qiluvchi Artyom Xarutyunyanlar etirof etilmoqda.
Germaniyada bo'lib o'tadigan jahon chempionatida Xoldorovning qaysi bosqichga etib bora olishi borasida taxmin bildira olmaymiz. Undan faqat va faqat syurprizlar kutib qolamiz!
Aziz To'xtamurodov
Fikrlar
Артур Григорянни куёви булган булиши керак.
2 ярим йил олдин уйланиш арафасида эди.
Новосибирскда APB жангларига келишгандилар, Харутунян ютказиб куйганди Россияликга, бизлардан Латипов козокга юткизган, шунда Артур айтиб колганди, якин орада Артём куёвим булади деб. Артём Германияда тугилган, арманчани хам русчани хам билмайди экан.