Ular Olimpiadaga borishadi – kollej o'quvchisi Rahmonov!

18 yoshli Abbos Rahmonov Respublika olimpiya zaxiralari kolleji o'quvchisi hisoblanadi. 2014 yilning 6-11 may kunlari Tailandning Bangkok shahrida o'tkazilgan erkin va yunon-rum va ayollar kurashi bo'yicha Osiyo chempionatida 54 kg vazn toifasida ishtirok etdi.

O'tgan yili yoshlar o'rtasida o'tkazilgan Osiyo chempionati kumush medali sovrindori. U ilk bor Istanbul turnirida kattalar tarkibida musobaqalarda chiqishini boshladi. Abbos Rahmonov 57 kilogrammgacha vazndagi kurashchilar bahsida pokistonlik Muhammad Bilol, venesuelalik Pedro Rodriges va qirg'izistonlik Samat Nadirbek uluni mag'lubiyatga uchratib, kumush medal va Olimpiya o'yinlari yo'llanmasini qo'lga kiritdi.

Iyul oyi boshida Germaniyaning Dortmund shahrida o'tgan sport kurashlari bo'yicha Gran-pri musobaqasida Abbos Rahmonov ham o'z vazn toifasida shohsupaning uchinchi pog'onasiga ko'tarildi.

Takidlash joiz, ushbu musobaqada har bir vazn toifasida turli yillardagi jahon chempionlari jam bo'lgan va bu kabi turnir kurashchilarga Olimpiada oldidan ajoyib tayyorgarlik vazifasini bajarib beradi.

“NewsArena” gazetasining 2016 yil 22-sonidan olindi