Ular Tokioga borishadi: Badiiy gimnastikachimiz Sabina Tashkenbaeva

Ular orasida badiiy gimnastika bo'yicha yakkalik yo'nalishida ishtirok etadigan hamyurtimiz Sabina Tashkenbaeva bugun etiborimiz markazida bo'ladi.

Sabina Talat qizi Tashkenbaeva 2000 yil 27 noyabr kuni Toshkentda tug'ilgan. 6 yoshidan beri ushbu sport turi bilan shug'ullanadi. Birinchi murabbiyi Irina Jumaeva. 2013 yildan terma jamoa tarkibiga jalb qilingan.

Undagi iqtidorni ko'ra olgan mutaxassislar yosh bo'lishiga qaramay 13 yoshidan terma jamoaga taklif qilishadi. O'z navbatida, sportchimiz bir qator nufuzli xalqaro musobaqalardagi muvaffaqiyatli ishtirok bilan ushbu ishonchni oqlaydi.

2017, 2018 va 2019 yillar qatorasiga qitamizning eng kuchli badiiy gimnastikachisi ekanini isbotlaydi. 2017 yil Islom birdamligi, 2018 yil Osiyo o'yinlarida sovrindor bo'lgan.

2018 yil poytaxtimiz mezbonlik qilgan Jahon kubogida bulavadagi mashqda kumush medalni qo'lga kiritgan. Hozirda O'zbekiston Davlat jismoniy tarbiya va sport universitetida tahsil olmoqda.

2021 yil Jahon kubogi bosqichlarida to'plangan ballar yakuni bo'yicha Tokio-2020 Olimpiya o'yinlariga yo'llanma oldi.