Ular Tokioga borishadi: Erkin kurashchimiz Javrail SHapiev

Bugun Sizlarga Tokio-2020 Olimpiadasida erkin kurash bo'yicha -86 kg vazn toifasida yurtimiz sharafini himoya qiladigan polvonimiz Javrail SHapiev haqidagi malumotlarni havola etamiz.

Javrail Nurmagomedovich SHapiev 1997 yil 20 aprel kuni Dog'istonda tug'ilgan. Erkin bo'yicha O'zbekiston terma jamoasi azosi. Kurashchimiz egizak ukasi Isa SHapiev bilan davlatimiz bayrog'i ostida kurashib kelishadi. Olimpiya o'yinlariga Olimjon Hikmatov murabbiyligida tayyorlanmoqda.

Javrail 2017 yildan O'zbekiston terma jamoasi sharafini himoya qilib kelmoqda. Bir qator xalqaro musobaqalarda g'olib va sovrindorlar qatoridan joy olgan. 2019 yil jahon chempionatida munosib ishtirok etgan.

SHu yil aprel oyida Osiyo mintaqasi uchun Qozog'istonda o'tgan Tokio-2020 licenzion turniridagi ishtiroki orqali Olimpiada yo'llanmasini qo'lga kiritgan.