20 iyu 13:05
Yangiliklar

Sport kurashlari

Ulmeken Esenbaeva ham Osiyo chempionatining finalga yo'l oldi

Teglar : Osiyo chempionati Ayollar kurashi

Xabar berganimizdek, Qirg'iziston poytaxti Bishkek shahrida erkin, yunon-rum va ayollar kurashi bo'yicha o'smirlar (U 17) hamda yoshlar (U 23) o'rtasidagi Osiyo chempionati davom etmoqda.

Ayni daqiqalarda yunon-rum va ayollar kurashi bo'yicha saralash bellashuvlari o'tkazilyapti. Biroz avval yana bir hamyurtimiz final yo'llanmasini qo'lga kiritdi.

Ayollar kurashi bahslarining 61 kg vazn toifasida yurtimiz sharafini himoya qilayotgan Ulmeken Esenbaeva yarim finalda mezbonlar vakilasi Jarkinay Nurlan Kizidan 10-0 hisobida ustun keldi.

O'tgan yili kadetlar o'rtasida jahon chempionatining bronza medalini qo'lga kiritgan Esenbaevaning Osiyo chempionati finalidagi raqibasi hindistonlik Savita Savita bo'ladi. U yarim final uchrashuvida yaponiyalik Nana Moroxoshidan ustun (4-0) keldi.