Ulmeken Esenbaeva Jahon chempionati sovrindori!

Ushbu nufuzli musobaqada O'zbekiston terma jamoasi kurashchilari har uchchala yo'nalishda yurtimiz sharafini himoya qilyaptilar. Ayollar kurashi bahslarida yurtimiz sharafini himoya qilgan Ulmeken Esenbaeva jahon chempionatining bronza medalini qo'lga kiritdi. 

61 kg vazndagi vakilamiz o'tish bahsida xorvatiyalik Alesia Marselichni 6-0 hisobida mag'lubiyatga uchratdi. Bronza medali uchun bahsdagi raqibasi hindistonlik Nitika Nitika esa jarohati sabab gilamga chiqmadi va shu tariqa hamyurtimiz jahon chempionatining bronza medaliga sazovor bo'ldi.

Bir kun avval 65 kg vaznda yurtimiz sharafini himoya qilgan qoraqalpog'istonlik kurashchi qizimiz Xurshida Qosimova ham jahon chempionatining bronza medali bilan taqdirlangan edi. Qizlarimiz musobaqani 2 ta bronza medali bilan yakunlashdi.