17 okt 10:10
Yangiliklar

Boks/MMA

Ulug'bek Sobirov rossiyalik tajribali bokschiga qarshi ringga chiqadi + POSTER

11 noyabr kuni Rossiya Federaciyasining Ekaterinburg shahrida RCC promouterlik kompaniyasi o'zining navbatdagi professional boks oqshomini tashkil etadi.

Etiborlisi, ushbu oqshomning markaziy jangida o'rta vazn toifasidagi charm qo'lqop ustamiz Ulug'bek Sobirov (12-2-0) ringga chiqadi. Hamyurtimizga o'sha kuni rossiyalik taniqli bokschi Vadim Tukov (12-0-0) raqiblik qiladi. Ushbu jang 10 raund etib belgilangan.

Eslatib o'tamiz, Ulug'bek Sobirov so'nggi jangini shu yilning 30 sentyabr kuni Turkiyada kubalik Luis Migel Bayona (6-1-0)ga qarshi o'tkazib, ochkolar hisobiga ko'ra g'alaba qozongan edi. Vadim Tukov esa oxirgi jangini 8 sentyabr kuni Jon Bopapega qarshi o'tkazib, muddatidan oldin zafar quchgandi.