Umid Ahmadjonov: "Tokio-2020 Olimpiadasidagi natijamiz avvalgisidan ham yaxshiroq bo'ladi"

Bu haqida "Daryo" internet-nashri xabar qilmoqda.

O'FF prezidenti sifatida faoliyat boshlaganimga 1 yil ham to'lmagandi. Uning faoliyatini tubdan o'zgartirish ishlari bilan band bo'lib turganimizda, oldimizga navbatdagi masuliyatli vazifa qo'yildi. Endi nafaqat futbol, balki mamlakat sportni yangi bosqichga olib chiqishimiz kerak bo'ladi.

Mamlakat rahbariyatining ishonchidan boshim ko'kka etdi. Sport sohasini ko'tarishga jiddiy etibor berilayotganini 2017 yilning o'zida chiqarilgan qarorlar ham ko'rsatib turibdi. Bundan tushunish mumkinki, sohamizni rivojlantirishni birinchi navbatda prezidentimiz SHavkat Miromonovich Mirziyoevning o'zlari istamoqdalar. Nafaqat istak, balki bu yo'lda nima kerak bo'lsa, hukumat unga zamin yaratib berishga tayyor ekani har qanday kishiga qo'shimcha motivaciya beradi.

To'g'ri, Rioda sportchilarimiz ancha muvaffaqiyatli ishtirok etishdi. Ammo ahamiyat bergan bo'lsangiz, SHavkat Miromonovich nafaqat boksda, balki sportning qolgan turlarida ham katta o'sishga erishishimiz kerakligini takidladilar. Ishonamanki, Tokio-2020 Olimpiadasidagi natijamiz avvalgisidan ham yaxshiroq bo'ladi. Biz bu yo'lda jiddiy mehnat qilishga tayyormiz.

Aytganimdek, O'FFni qabul qilganimda 1 yil ham to'lmagandi. Biroq MOQ butunlay boshqa masala. Bunda sportning birgina emas, barcha turlari mujassam. Tez orada Olimpiada o'yinlariga licenziya taqdim etuvchi musobaqalar boshlanadi. Qolaversa, oldimizda Osiyo Olimpiadasi bizni kutib turibdi. Demak, MOQda ish qaynaydi.

Ammo unutmaslik kerakki, bizdan shunchaki ishlash emas, jon berib ishlash, fidoyi bo'lish talab etiladi. Demak, imkoniyatimizdan maksimum foydalanishga harakat qilishimiz shart. Rejaga ko'ra, 25 yanvar kuni O'FFning navbatdan tashqari konferenaciyasini o'tkazamiz. Unda tashkilot nizomiga qo'shimcha va o'zgartirishlar kiritish rejalashtirilgan. SHuningdek, rahbariyatda ham o'zgarish bo'ladi.

Biroq bu futboldan chetlashishim yoki boshlangan ishlar yakuniga etishini bildirmaydi. Boshlangan ishlar shu yo'sinda davom etadi va barchamiz bir yoqadan bosh chiqarib, nafaqat millionlar o'yinini, balki sportning qolgan turlarini ham ko'tarishga harakat qilamiz.