Umidjon va Rushana Turkistonda chempion bo'lishdi + FOTO

General-mayor Sobir Rahimov xotirasiga bag'ishlab o'n oltinchi bor tashkil etilayotgan ushbu musobaqada mezbonlardan tashqari O'zbekiston, Tojikiston, Qirg'iziston hamda Rossiya davlatidan kelgan 2002-2004 yillarda tavallud topgan erkin kurashchilar gilamga chiqmoqda. 

Quvonarlisi, hamyurtlarimiz xalqaro turnirning ilk kuni uchta medalni qo'lga kiritishdi 65 kg vazn toifasida yurtimiz sharafini himoya qilgan O'smirlar Olimpiadasi g'olibi, yoshlar o'rtasida jahon va Osiyo chempioni Umidjon Jalolov oltin medalga ega chiqdi. SHu vaznda qatnashgan yana bir kurashchimiz Zafarbek Ataxanov esa bronza medaliga sazovor bo'ldi. 

Qizlar o'rtasidagi bellashuvlarda ham kurashchimiz g'alabasiga O'zbekiston madhiyasi yangradi. Navoiy viloyati vakilasi Rushana Abdurasulova 59 kg vazn toifasida musobaqa g'olibasiga aylandi. Bugun Sevara Rizaeva (53 kg) va Sevinch Sultonova (62 kg) medallar uchun kurashmoqda. Xalqaro turnirda referimiz To'ymurod Adizov hakamlik qilyapti.