Universiada-2019. Keldiyorova g'alaba bilan boshladi

Bugun musobaqaning navbatdagi kunida dzyudochilarimiz ham o'z mahoratlarini namoyish etishadi. Hozirgina -52 kg vazn toifasidagi vakilamiz o'smirlar o'rtasida jahon chempioni, kattalar orasida Osiyo chempioni Diyora Keldiyorova Universiadadagi ishtirokini g'alaba bilan boshladi. 

Diyora to'g'ridan-to'g'ri ikkinchi davradan bahslarga kirishdi va bu bosqichda litvalik raqibasi Gintaut Marsilionitni mag'lubiyatga uchratdi. Birozdan so'ng u uchinchi davra bellashuvida koreyalik Da Sol Parkka qarshi tatamiga chiqadi. Ushbu bahs g'olibasi chorak finalga yo'l oladi.