Usik: Aleksandr Joshua bilan har qanday jangga tayyor

Entoni Joshua (24-2, 22 KO) revansh jangiga qanday yondashishi muhim emas, chunki IBF/WBO/WBA yo'nalishlari bo'yicha jahon chempioni Aleksandr Usik (19-0, 13 KO) har qanday jangga tayyor. Bu haqda ukrainalik bokschi Forbes nashriga bergan intervyusida aytib o'tdi.

Usikning aytishicha, u 2021 yil sentyabr oyida Londonda bo'lib o'tgan (Entoni mag'lubiyati bilan yakunlangan) jangidan keyin Joshuaning juda charchaganini payqagan.

"Men buni Ruiz bilan birinchi jangdan oldin uning charchaganini payqadim. U g'alati ko'rinardi. Lekin nima uchun bu sodir bo'layotgani haqida o'ylamayman. Ehtimol, bazi ichki sabablar bordir. Men sabablar haqida o'ylashni xohlamayman.

Usikning so'zlariga ko'ra, uning ruhiy holati «Joshua bilan jangdan oldin ham, undan keyin ham alo darajada edi».

Uning so'zlariga ko'ra, g'alaba uning hayotini o'zgartirdi, lekin shaxsini emas: «Men hali ham o'z printsiplarim va standartlarim bo'yicha yashayman. Etirofga kelsak, ha, g'alabadan keyin men Evropaning bir qancha davlatlarida bo'ldim va menga yana ko'p odamlar murojaat qilishdi. Men har doim nimaga intilayotganimni bilardim. To'g'ridan-to'g'ri maqsadlarim tomon bordim. Men Fyuri yoki Uaylder bilan jang qilishni xohlardim, lekin hozircha bor etiborimni Joshua bilan revanshga qaratganman. Albatta, u hammasini o'zgartiradi (tayyorgarlikda va taktikada). Hamma narsa yangi bo'ladi. Lekin menga Joshuaning qandayligi, jangga tayyormi yoki yo'qligi qiziq emas. Aleksandr har qanday jangga tayyor», - dedi Usik.