Usik Fyurining Ngannu ustidan qozongan g'alabasiga izoh berdi

"Tayson g'alaba qozondimi? Menimcha, bu shou. 23 dekabr kuni ko'rishamiz. Bu jang menga ishonch bera oladimi, bilmayman, bu haqda hech qanday tasavvurga ega emasman. Bir narsa aniq, Ngannu sobiq UFC chempioni, juda kuchli zarba egasi. Fyuri uni jiddiy qabul qilmagandir. Ehtimol, u o'zini MMA jangchisi deb o'ylagan.

Nokdaun meni hayratga soldimi? Ha, albatta. Men buni ko'rdim va o'yladim: "Voy, Frensis, ehtiyot bo'l". Fyuriga esa ushbu so'zlarni aytdim: "Tayson, jeb, jeb, harakat, jeb", - dedi Usik.

Britaniyalik professional ringda 35 ta jang o'tkazgan bo'lib, ularning 34 tasida g'alaba qozongan, bitta jang durang bilan yakunlangan.

Frensis Ngannu esa professional ringda debyut qildi. Bungacha kamerunlik aralash yakkakurashlar bo'yicha 20 ta jang o'tkazib, ularning 17 tasida g'alaba qozongan va 3 tasida mag'lub bo'lgan edi.