Usik Joshua bilan revansh jangini qaerda o'tkazmoqchiligi malum

Superog'ir vaznda WBA, WBO va IBF kamarlari sohibi Aleksandr Usikning Entoni Joshua bilan revansh jangiga ham oz vaqt qolmoqda.

Joshuaning promouteri hisoblanmish Eddi Xirn ukrain bokschisining jamoasi bilan bo'lib o'tgan muzokaralar tafsilotlari bilan o'rtoqlashdi. Xirnning so'zlariga qaraganda, Usik revanshni Yaqin SHarq hududida o'tkazishni istaydi.

"23 iyun sanasi aniq emas, ammo o'sha kuni Yaqin SHarqda Usik — Joshua jangini ko'rishingiz uchun yaxshigina imkoniyatimiz bor. Butun dunyo bo'ylab bizda takliflar bor, ularning ustida ishlayapmiz. Bu variantni tanlashga yaqinmiz.

Usikning jamoasi Yaqin SHarq variantini afzal ko'rishlarini aytishdi, tabiiyki, u ko'p pul ishlab olmoqchi. Yaqin SHarqdagi summa Britaniyadagidan qo'proq bo'lishidan tashqari, Usikning jamoasi jangni neytral hududda o'tkazish haqida o'ylayapti, ularni bu borada ayblamayman. Xullas, mana biz endi qaerdamiz".

Xirn Usik — Joshua jangining qachon rasman elon qilinishini aytdi.

"Jangni shu haftada elon qilamizmi? To'g'risini aytsam, yo'q. Keyingi haftada elon qilamizmi? Albatta. Bu jangni iyul oyida tomosha qilasiz, tez orada rasman elon qilinadi", - deya Xirnning so'zlarini keltiradi Boxingnews24.