28 iyu 08:25
Yangiliklar

Boks/MMA

Usik - Joshua boks oqshomining Co-main event jangi elon qilindi + POSTER

Matchroom Boxing promouterlik kompaniyasi 20 avgust kuni Saudiya Arabistonida bo'lib o'tadigan boks oqshomining anderkart jangini elon qildi.

Eslatib o'tamiz, kechaning asosiy jangida ukrainalik Aleksandr Usik (19-0, 13 KO) britaniyalik Entoni Joshuaga (24-2, 22 KO) qarshi superog'ir vazn toifasida WVA Super, WBO, IBO va IBF chempionlik kamarini himoya qiladi.

Co-main event jangida xorvatiyalik Filip Xrgovich (14-0, 12 KO) va xitoylik CHjan Jiley (24-0-1, 19 KO) superog'ir vazn toifasida IBF kamariga majburiy davogarlik uchun kurash olib boradi.

SHuningdek, yarim og'ir vazn toifasida britaniyalik Kallum Smit (28-1, 20 KO) franciyalik Matyo Boderlikka (21-1, 12 KO) qarshi ringga ko'tariladi.

Ikki vazn toifasida sobiq jahon chempioni shveciyalik Badu Jek (25-3-3, 15 KO) amerikalik Richard Riveraga (21-0, 16 KO) qarshi ringga ko'tariladi.

Butunjahon boks seriyasi (WVSS) azosi, amerikalik Endryu Tabiti (19-1, 15 KO) birinchi og'ir vaznda (90,7 kg gacha) surinamlik Tayron Spong (14-0, 13 KO) bilan kuch sinashadi.