Usik: "Revansh jangida Joshua meni hayron qoldirmadi"

Ukrainalik bokschining so'zlariga ko'ra, u raqibining nimalarga qodirligini bilar edi.

"Joshua meni umuman hayron qoldirmadi. Entoni meni qarshi hujumda mag'lub qilmoqchi bo'ldi. U kuchli zarbalar berdi. Zarbalari bilan meni charchatishga harakat qildi. Murabbiy Robert Garsiya shunday deyishi mumkin. Ammo, bunga shubham bor", — dedi Usik.

Usik Joshuaning jangdan keyingi xatti-harakatlariga izoh berdi.

"Unga nisbatan g'azablanmadim. SHunday bo'lib turadi. Men ham ikki marta mag'lub bo'lganimda shunday qilar edim. Joshuada o'sish uchun juda katta salohiyat bor. U oldidagi bir nechta odamdan qutilishi kerak. Joshua kelishgan, ajoyib yigit", — deya qo'shimcha qildi Usik.