UWW ertaga JCH-2020 bo'yicha rasmiy bayonot beradi

Unda asosan shu yil dekabr oyida Serbiyada o'tkaziladigan yoshlar va kattalar o'rtasidagi jahon chempionatlari masalasi muhokama qilindi. Lekin yakunda jahon chempionatining belgilangan muddatda o'tkazilish yuzasidan bir to'xtamga kelinmadi. 

Yig'ilishda 50 ta davlat federaciya va associaciyalari o'z terma jamoalarini Belgradga yuborish istagini bildirishdi. Lekin avvalroq UWW tomonidan o'tgan yilgi jahon chempionati ishtirokchilari umumiy sonining kamida 70 foizi musobaqaga kelmagan taqdirda musobaqa o'tkazilmasligi aytilgan edi. 

Bundan tashqari, o'tgan yili Nur-Sultondagi jahon chempionati yakunida Top-10talikka kirgan davlat terma jamoalaridan kamida 8 tasi Serbiyaga borishini tasdiqlashi shart. Aks holda bu yilgi jahon chempionati kechroq muddatga, katta ehtimol bilan 2021 yilga qoldiriladi. 

Dunyodagi epidemiologik vaziyat yomonlashgani sabab jahon chempionati masalasida yakuniy qarorga kelinmadi. Endi ertaga, 8 oktyabr kuni UWW yana bir bor onlayn-yig'ilish o'tkazadi va yakuniy qarorni elon qiladi.