08 avg 08:02
Yangiliklar

Boks/MMA

Va nihoyat! Bogdan Guskovning UFC'dagi ilk raqibi malum bo'ldi!

2 sentyabr kuni Franciya poytaxti Parijda UFC Fight Night musobaqasi bo'lib o'tadi.

Mazkur musobaqa doirasida SHveycariya vakili Volkan Ozdemir (18-7) rossiyalik Azamat Murzakonov (13-0) bilan jang qilishi kerak edi. Biroq Murzakonov bu jangda ishtirok eta olmasligi malum bo'ldi.

Ahamiyatlisi, uning o'rnini zahira jangchisi sifatida yarim og'ir vaznda o'zbekistonlik UFC jangchisi Bogdan Guskov (14-2) egalladi. Endilikda Guskov debyut jangini aynan Volkan Ozdemirga qarshi o'tkazadi.

Eslatib o'tamiz, Volkan Ozdemir so'nggi jangini o'tgan yilning oktyabr oyida UFC 280 turniri doirasida Nikita Krilovga qarshi o'tkazib, mag'lub bo'lgan edi. U faoliyati davomida Daniel Korme, Entoni Smit, Dominik Reyes, Irji Proxaska, Magomed Ankalaev kabi sportchilar bilan jang qilgan.