Vazir Namanganda yig'ilish o'tkazdi

O'zbekiston Respublikasi Jismoniy tarbiya va sport vaziri rahbarligida Namangan viloyatida jismoniy tarbiya va sport sohasida aholi sog'lig'ini mustahkamlashga ko'maklashadigan aniq dasturlarni amaliyotga joriy etish, yoshlarni sportga keng jalb qilish va ular orasidan iqtidorli sportchilarni saralab olish, sport turlari bo'yicha yuqori natijalarni taminlaydigan mahoratli sportchilar bilan milliy terma jamoalarni shakllantirish va trenerlar uchun qo'shimcha shart-sharoitlar yaratish bo'yicha amalga oshirilayotgan ishlar yuzasidan kengaytirilgan yig'ilish bo'lib o'tdi.

Yig'ilishda viloyat sport talim muassasalarining moddiy-texnik bazasini rivojlantirish, sport obektlari infratuzilmasini rivojlantirish, axborot-kommunikaciya texnologiyalarini joriy etish va rivojlantirish, milliy terma jamoalarni saralash, shakllantirish va hududlarni sportga ixtisoslashtirish, tashkilotlardagi kadrlar salohiyati va ular bilan ishlash, sport talim muassasalarini ilmiy-metodik taminlash yo'nalishlari bo'yicha yo'l qo'yilgan kamchiliklar muhokama etildi.

Bu borada Uchqo'rg'on, Namangan, Pop, CHust, To'raqo'rg'on, Mingbuloq, Kosonsoy, CHortoq tumanlarida masullar tomonidan amalga oshirilishi zarur bo'lgan ishlar bo'yicha tegishli ko'rsatmalar berildi.

SHuningdek, viloyat jismoniy tarbiya va sport boshqarmasi tomonidan tuman, shahar jismoniy tarbiya va sport bo'limlari va sport talim muassasalari jamoalariga kadrlar tayyorlash yo'nalishi, ijro intizomi, ish yuritish holati bo'yicha amaliy yordamlar, o'quv-seminarlari tashkil etmaganligi, joyiga chiqib mavjud holatlar o'rganilmaganligi tanqid ostiga olinib, bu kabi kamchiliklarni o'z vaqtida bartaraf etish maqsadida zaruriy choralarni ko'rish bo'yicha vazifalar belgilab berildi.

Yig'ilish yakunida mehnat faoliyati davomida alohida o'rnak ko'rsatgan, tashabbuskor rahbar kadrlardan Namangan viloyat futbol mahorat maktabi direktori G'anisher Ismoilov, Norin tumani bolalar-o'smirlar sport maktabi direktori Islomjon Rahmonov va Namangan shahar 1-sonli bolalar-o'smirlar sport maktabi direktori Ella Vishnyakova “Jismoniy tarbiya va sport alochisi” ko'krak nishoni bilan taqdirlandi.