Vazir Sardobadan Jizzax shahriga evakuaciya qilingan aholi bilan uchrashdi

Suv ombori atrofidagi hududlar aholisining bir qismi Jizzax viloyatiga evakuaciya qilinib, boshpana va oziq-ovqat bilan taminlandi.

Bugun, O'zbekiston Respublikasi Jismoniy tarbiya va sport vaziri Dilmurod Nabiev Sardobadagi fojiya natijasida Jizzax ixtisoslashtirilgan olimpiya zahiralari maktab-internatiga joylashtirilgan 300 nafarga yaqin fuqarolarning holidan xabar oldi va ularga yaratilgan shart-sharoitlar bilan tanishdi.

Jizzax ixtisoslashtirilgan olimpiya zahiralari maktab-internatiga joylashtirilgan aholi bilan muloqot qildi. Suhbat chog'ida vazir tushkunlikka tushmaslikni bu kunlarni birgalikda engishini takidladi.

SHundan so'ng, Dilmurod Nabiev viloyat Jismoniy tarbiya va sport boshqarmasi boshlig'i I.Tojiboev boshchiligidagi mutasaddi xodimlar bilan uchrashib, Jizzax ixtisoslashtirilgan olimpiya zahiralari maktab internatiga joylashtirilgan aholi uchun qo'shimcha shart-sharoitlar yaratish, sport jihozlari, badiiy adabiyotlar bilan taminlash, vaqtlarini mazmunli o'tkazishlarini tashkil etish bo'yicha tavsiya va ko'rsatmalar berdi.