Velosport: Namanganda O'zbekiston kubogi musobaqasi bo'lib o'tdi

Musobaqada Toshkent shahri, Toshkent viloyati, Farg'ona, Namangan, Sirdaryo, Samarqand va Xorazm viloyatlaridan kelgan sportchilar qatnashdi. O'zbekiston kubogida 41 nafar erkak va 8 nafar ayol sportchi g'oliblik uchun musobaqalashdi.

O'zbekiston kubogida velosportchilar yakkalik va guruh jamoalariga bo'lingan holda hamda boshqa ko'plab yo'nalishlarda turli masofalarda bellashdi. Yakuniy natijalarga ko'ra Dmitriy Bocharov, Begzod Rahimboev, Dilmurod Siddiqov, Olimjon Karimov, Oyatillo Sobirov va Umid Baxtiyorov, qizlardan esa Sofiya Karimova kabi sportchilar turli masofalarda musobaqa g'olibiga aylanishdi.

Musobaqa yakunida sportchilar O'zbekiston velosport federaciyasining Namangan viloyati bo'limi tomonidan kubok, diplom va esdalik sovg'alari bilan taqdirlandi.