Velosport. O'zbekiston chempionati yakunlandi

Bir yuz yigirma sakkiz kilometr masofaga o'tkazilgan bahslarda Dilmurod Siddiqov barcha raqiblarini ortda qoldirgan holda, birinchi o'rinni qo'lga kiritdi. Ikkinchi o'ringa Sergey Medvedev ega chiqqan bo'lsa, uchinchi o'rin Danil Evdokimovga nasib qildi. 

O'ttiz uch kilometrga o'tkazilgan poyga yakunlariga ko'ra, Danil Evdokimov g'alaba qozondi. Ikkinchi va uchinchi o'rindan mos ravishda Dilmurod Siddiqov va Ernest Osmanovlar joy oldi. Ushbu bellashuvlar shu yil avgust oyida Indoneziyada bo'lib o'tadigan Osiyo o'yinlariga tayyorgarlik vazifasini ham bajardi.